Ծրագրավորում սովորելը միշտ չէ, որ սկսվում և շարունակվում է առանց դժվարությունների։ Երբեմն մարդը մի քանի անգամ փորձում է, դադարեցնում և վերջում մտածում՝ գուցե ծրագրավորումն ուղղակի իրենը չէ։
Danisoft-ի ուսանողուհի Ֆլորա Աֆյանի պատմությունն էլ հենց այդպիսին է։
Մի քանի անհաջող փորձ՝ մինչև Danisoft գալը
Ֆլորան առաջին անգամ Danisoft-ում չի սկսել ծրագրավորում սովորել։ Մինչ այստեղ գալը նա փորձել է սովորել մի քանի տարբեր վայրերում։
Սկզբում ամեն ինչ սկսել է մեծ ոգևորությամբ, բայց ամեն անգամ եկել է մի պահ, երբ նա թողել է ուսումը։
Մի տեղ խմբում շատ մարդ է եղել։ Ֆլորան դեռ չի հասցրել ամբողջությամբ հասկանալ մի թեման, երբ արդեն անցել են հաջորդին։ Մյուս տեղում դասախոսի հետ այնքան ազատ չի զգացել, որ կարողանա տալ իր բոլոր հարցերը։
Յուրաքանչյուր անգամ դասընթացը թողնելուց հետո նա մտածել է․
«Երևի ծրագրավորումն ուղղակի իմը չէ»։
Սակայն մի քանի ամիս անց ծրագրավորում սովորելու ցանկությունը կրկին վերադարձել է։
Եվս մեկ հնարավորություն՝ այս անգամ Danisoft-ում
Ֆլորան որոշել է իրեն ևս մեկ հնարավորություն տալ և միացել է Danisoft-ի ծրագրավորման դասընթացին։
Այսօր նա դեռ սովորում է և գիտի, որ առջևում շատ աշխատանք կա։ Բայց այս անգամ կա մի կարևոր տարբերություն․ առաջին անգամ նա չի մտածում դասընթացը թողնելու մասին։
Նրա պատմությունից ամենակարևոր միտքը սա է․
«Երբ ինչ-որ բան առաջին անգամ չի ստացվում, միշտ չէ, որ նշանակում է՝ դա քոնը չէ»։
Երբեմն խնդիրը ոչ թե քո մեջ է, այլ ուսուցման միջավայրում
Ծրագրավորում սովորելու ընթացքում կարևոր է ոչ միայն դասընթացի ծրագիրը։ Կարևոր է նաև ունենալ հարցեր տալու ազատություն, ստանալ անհրաժեշտ ուշադրություն և չանցնել հաջորդ թեմային՝ առանց նախորդը հասկանալու։
Danisoft-ում դասերն անցկացվում են առավելագույնը 6 մասնակցից կազմված փոքր խմբերով։ Դա հնարավորություն է տալիս ուսանողներին ազատ հարցեր տալ, ստանալ աջակցություն և թեմաներն ուսումնասիրել ավելի հասկանալի ընթացքով։
Եթե դու էլ նախկինում փորձել ես ծրագրավորում սովորել, բայց կիսատ ես թողել, դա դեռ չի նշանակում, որ ծրագրավորումը քեզ համար չէ։
Գուցե անհրաժեշտ է պարզապես ևս մեկ հնարավորություն՝ ճիշտ միջավայրում։
ՄԵԿՆԱԲԱՆՈՒԹՅՈՒՆՆԵՐ
Դարձիր առաջինը, ով կգրի։